MitrovicaPress

Muhamet Kelmendi
Pjesa veriore e Mitrovicës do të nxjerr vendime dhe do ta shpallë ndarjen e saj nga Kosova dhe bashkimin e saj me Serbinë, pastaj do të përcillet me disa vendime të tjera të enklavave serbe, ka thënë në një intervistë për Kosovapress, prof. Dr. Muhamet Kelmendi.

Kosovapress: Rusia dhe Serbia kërkojnë negociata tjera, ndërsa janë vendet tjera si SHBA dhe pjesa më e madhe e vendeve të BE-së që kërkojnë zgjidhje të shpejt. Si e vlerësoni këtë?

Kelmendi: Nëse e marrim qëndrimin e Rusisë dhe Serbisë atëherë do të na shpie në një gjendje të pafund dhe diskutimet nuk do të përfundonin kurrë. Qëllimi i njërës dhe palës tjetër është kryesisht në përfitimin e kohës me qëllim që në të ardhmen të krijohen rrethana të tjera, në mënyrë që ata të jenë në pozita më të favorshme për zgjidhjen e asaj pozite të cilën ata e dëshirojnë. Mirëpo, unë mendoj që situata është e tillë ku Këshilli i Sigurimit nuk mundë t’i zgjidhë problemin e Kosovës dhe faktori ndërkombëtar i udhëhequr nga Shtetet e Bashkuara të Amerikës dhe Unioni Evropian i kanë dy rrugë, dhe mendoj që do ta zgjedhë rrugën e futjes në zbatim të planit të Ahtisarit. Problemi është kryesisht pavarësia e Kosovës me sovranitet si do të jetë. Do të shpallët në kuptimin klasik të fjalës pavarësi dhe sovranitet nga ana e Kuvendit, siç e shpalli Kroacia, Sllovenia pastaj edhe Bosnja, apo do të nxjerrët ndonjë deklaratë politike e cila do ta futë planin e Ahtisarit në zbatim dhe Kosova do të ketë pavarësinë dhe sovranitetin e kufizuar dhe të mbikëqyrur. Këto dy çështje e kundërshtojnë njëra tjetrën dhe në këtë drejtim është duke biseduar faktori ndërkombëtar në gjetjen e modaliteteve se si kjo çështje të zgjidhet. Se në qoftë se unë shpalli shtetin e pavarur dhe sovranë të Kosovës, atëherë nuk ka mbikëqyrje, nuk ka plan të Ahtisarit, sepse unë jam sovran dhe i pavarur dhe heq dorë nga sovraniteti me dëshirën time në favor të interesit të përgjithshëm, por në të njëjtën kohë nuk kam sovranitet dhe futi planin e Ahtisasit në mbikëqyrje, atëherë kjo e dyta përjashton funksionin shtet. Është problematike se si Kuvendi i Kosovës, në këtë rast faktori ndërkombëtar dhe mekanizmat tjerë përbrenda Kuvendit të Kosovës, të gjejnë modalitetin se si do të shpallët dhe çka do të shpallet.

< Lexo me shume »

Laura Konda , Zëri i Amerikës
Kryeministri i Kosovës, Hashim Thaçi, ishte në Bruksel, për dy ditë bisedime me zyrtarët e lartë të Bashkimit Evropian. Në përfundim të këtyre takimeve, Zëri i Amerikës zhvilloi një bisedë të drejtpërdrejtë telefonike me Kryeministrin Thaçi, në programin televiziv “Ditari”. Zoti Thaçi tha mes të tjerash, se është konfirmuar tashmë, se Uashingtoni dhe Brukseli do të shkojnë bashkarisht dhe njëkohësisht drejt vendimit për njohjen e statusit politik të Kosovës, pas deklaratës së pavarësisë që do të nxjerrë Parlamenti i Kosovës në ditët në vijim.

Lexo me shume »